Kanina pa siya naghihintay ng tawag mula kay Gideon pero mag hahating gabi na hindi pa rin ito tumatawag sa kanya. Ayaw naman niya itong tawagan dahil naiinis siya rito. Isa pa ito naman dapat ang tumawag sa kanya at mag apologize, dahil ito ang may kasalanan kung bakit sila nagkainisan kanina.
Ayaw lang niyang magkainitan si Gideon at si Basty, dahil natatakot siyang baka may malaman sa kanya si Gideon pag ginalit nito ng husto si Basty. Ang malaking kinatatakutan niya ay ang malaman nito ang tungkol sa eskandalo niya sa San Rafael. Alam niyang kay Basty unang pinakita nina Erika ang video na iyon, dahil siya ang nililigawan ni Basty noon, at inggit na inggit sa kanya si Erika dahil mas umingay ang pangalan niya nang mga panahong nililigawan siya ni Basty. Isama pa ang alam niya si Bast
