"Bakit hindi mo sinabi na may bisita ka pala?" Tanong sa kanya ni Gideon paglabas ni Basty. Ni hindi man nito pinansin si Basty.
Napahugot siya ng malalim na paghinga. Nainis siya sa asawa sa pinakitang kagaspangan nito sa nag-iisang kaibigan niya. Wala naman na itong rason para magselos pa. Alam naman na nitong hindi sila nagkaroon ng relasyon ni Basty.
"Sasabihin ko naman sa iyo eh, nag-uusap pa kasi kame," malamig na tugon niya sa asawa.
"Bakit pala napapunta ka dito?" Tanong niya at lumakad na panabalik sa mesa niya. Mag tatrabaho na lang siya kesa sa makipagbangayan sa asawa niya. Matagal-tagal na rin ang huling bangayan nilang mag asawa, parang hindi na tuloy siya sana na magbabangayan na naman silang mag asawa, umiral ang pagkaseloso ng asawa.
"Hindi na ko pwedeng pumunta sa op
