Sinundan ng tingin ni Draco si Lara at Greg. Naupo ang mga ito sa bakanteng upuan sa pinakagitnang bahagi ng bulwagan.
Napansin niya ang ibang saya ni Lara kapag kasama ang lalaking iyon. Inaamin niyang nakaramdam siya ng matinding selos. Hindi siya sanay na nakikita ang dating nobya na may kasamang ibang lalaki at hinding-hindi siya masasanay ng ganun. Hindi niya pahihintulutan na maagaw ito ng iba sa kaniya.
May lamesang naka-reserve para sa mga Frio, tama namang malapit lang ito sa kinaroroonan ng dalawa.
Hindi naaalis ang tingin niya sa mga ito.
Kung pwede nga lang malusaw ang mga ito sa nakakapasong tingin niya ay kanina pa nangyari iyon.
Abala sa pagkukwentuhan si Lara at Greg. Madali siyang napapatawa ng binata kahit sa mga simpleng salita lang. Malakas kasi ang sense of humor
