"Sino ba ang taong iyon, Warren?" tanong sa akin ni Tita Lorna nang bigla ko na lamang siyang akbayan habang papalayo kami.
"Siya ang dati kong asawa, Tita Lorna." Pagtatapat ko rito.
"Ano? Asawa? Kailan pa? Saan? Hindi ko yata alam na nag-asawa ka."
Bumuga ako ng malalim dito. Hindi pa rin alam ni Tita Lorna na patay na si Kuya Bernard. Hindi rin alam ni Ate Letty ang tungkol doon dahil alam ko na makakasama lang ito sa karamdaman nito ngayon.
"Sa Nueva Ecija, Tita Lorna. Pasensiya na at hindi ko naikuwento sa inyo ang tungkol sa pag-aasawa ko. Hindi niya alam na may kapatid akong may sakit. Ayokong mag-alala pa siya sa akin kaya mas mabuti kung hindi muna siya makikilala ni Ate Letty," pagsisinungaling ko rito.
"Ikaw ang bahala, Warren. Oo nga pala, tungkol sa kapatid mo. Kailangan
