Apat na taon na rin ang nakalipas bago ako magpasyang bumalik dito sa Pilipinas. At ang una kong gustong makita ay si Shanta. Hindi sinasadya ang muli naming pagkikita nito ngayon. Hindi ko alam na dito pala sa La Union idinaos ang kasal nina Cora at Niko. Sa wakas tuluyan na ring makakalimutan si Bernard.
Gusto kong yakapin kanina si Shanta ngunit alam ko na hindi ko na iyon p'wedeng gawin. Ayokong masira ang relasyon nila ni Vlad. Ang tanging gusto ko lamang ay makausap siya at muling humingi ng kapatawaran sa kanya.
Gusto ko na rin na magsimula ulit. Sinusubukan ko na ngayon na muling buksan ang puso ko. Last year, may nakilala na ako sa Canada na isang Pinay at taga-Nueva Ecija. Ngunit nakatira ito ngayon dito sa La Union.
Hindi ko pa pormal na nililigawan si Jade ngunit sinasabi na
