"Sir Blue!" masayang bulalas ko nang makita ko si Sir Blue na kasunod ang asawa kong gwapong-gwapo sa suot niyang pulang polo shirt na tinernuhan niya ng itim na pantalon at high cut na boots. Naka-brush up ang kanyang buhok at may suot na salamin sa mata. Halos pareho sila ng suot ni Sir Blue na ewan kung nag-usap ba sila o nagkataon lang na ganoon ang suot nila ngayong araw.
Hindi ko kasi siya nakitang umalis kaninang umaga kaya hindi ko alam kung ano ang kulay ng suot niya o ano'ng klase ng outfit ang suot niya. Tulog pa ako nang umalis siya at hindi na talaga siya nag-abalang gisingin pa ako. Kapag araw kasi ng Sabado ay hindi na siya nagpapaalam sa akin dahil gusto niyang bawiin ko iyong tulog na nami-miss ko kapag may pasok ako sa school. Hinahayaan niya akong matulog kaya hindi na
