SOFIA
Naputol ang usapan naming dalawa ni Secretary Skye ng narinig namin na nag-ring ang telepono sa ibabaw ng kaniyang mesa. Agad naman niya itong sinagot at pagkatapos ay bumaling sa akin.
“Si boss,” sabi ni Secretary Skye sa akin.
“Pumasok ka na raw sa loob, Sofie.”
Ngumiti ako sa kaniya at mabilis na dinampot ang bag na dala ko sa sahig. Pumasok agad ako sa opisina ni Chase at naabutan ko siyang tahimik na nakaupo sa sofa, kaharap ang whiskey at ang transparent na basong may lamang alak.
“Okay ka lang ba, Chase?” tanong ko agad sa kaniya.
Tumango lang siya. Inabot niya ang baso sa harap niya at mabilis na inubos ang laman nitong alak.
Simula ng pumasok ako sa kompanya ni Chase ay ngayon ko lang siya nakitang uminom dito sa loob ng opisina niya. Alam ko naman ang dahilan, ka
