SOFIA
Nang pumasok sa loob ng opisina niya si Chase ay nagpaalam agad ako kay Secretary Skye na gagamit ng banyo dahil gusto kong marinig agad kung ano ang pag-uusapan nilang dalawa ni Roxy.
Mabilis ang bawat hakbang ko at nagmamadaling pumasok sa cubicle. Agad na kinuha ko ang earpiece sa loob ng dala kong bag, pati na rin ang cellphone ko at nag-login sa apps kung saan connected ang spy camera na iniwan ko sa loob ng opisina ni Chase.
Umupo ako sa toilet bowl at agad pinanood kung ano ang nangyayari sa loob. Malinaw na nakikita at napakinggan ko ang usapan nila, kaya narinig ko kung paano nagtanong si Chase kay Roxy.
Ilang minuto na akong nakaupo at tahimik na pinakinggan ko ang nagaganap na usapan sa loob ng opisina ni Chase ng makita kong tumayo siya at lumapit sa kaniyang mesa par
