SOFIA
“Honey,” malambing na tawag sa akin ni Chase.
Nakaharap ako sa mesa ko at nakatalikod ako sa kaniya at kunwari ay abala sa patient chart na hawak ko.
Hindi ko inaasahan ang biglang pagpulupot ng mga braso niya sa katawan ko nang humarap ako sa kaniya at niyakap ako ni Chase ng napakahigpit.
Kinagat ko ang pang-ibabang labi ko at mariin na pumikit. Ngayon ko napagtanto na sobrang miss ko na pala talaga siya pero hindi na ako puwedeng lumapit sa kaniya dahil hindi lang naman ito tungkol sa aming dalawa.
May responsabilidad ako sa organisasyon na kinabibilangan ko. Trabaho ang dahilan ng paglapit ko kay Chase at ngayong tapos na iyon ay wala nang dahilan para magkita pa kaming dalawa kahit gustuhin ko pa.
“I miss you, honey,” mahina pero puno ng emosyon na bulong sa akin ni Chase
