CHASE
“Hangga't hindi ko nakikita si Ella ay hindi ako aalis dito sa bahay mo, Sebastian,” matigas na sabi ko sa lalaking kaharap ko dahil magaling siyang magmanipula.
“Ang tigas talaga ng ulo mo, Mondragon. Bahala ka kapag hindi mo na nakita ang asawa mo. Huwag mo akong sisisihin kapag hindi mo na mahanap si Sofia dahil pinaalalahanan na kita!” singhal sa akin ni Sebastian, pero nagmatigas ako dahil hindi ako mapapanatag hangga't hindi ko nakikita ang pamangkin ko.
May hinala ako na pinaglalaruan ako ni Sebastian. Ang sabi sa ospital ay dead on arrival na daw si Ella, pero base sa mga narinig ko sa kaniya, para bang buhay pa ang pamangkin ko at inaalagaan niya.
“Kapag hindi mo pinakita sa akin si Ella, susunugin ko ang building mo sa Makati,” walang emosyon na banta ko kay Sebastian.
