SOFIA
Ramdam ko na nakatutok sa akin ang mainit na mga mata ng mga kasama ko dito sa loob ng opisina ni Draven.
Tatlo pa lang sila, hindi pa kasama ang iba ko pang pinsan na sina Drake at Drew, pati na rin si Lolo Collin. Pero daig ko pa ngayon ang isang maliit na kuneho na gustong lapain at gawing almusal ng mga kaharap ko dahil hindi nila nagustuhan ang ginawa ko.
Kung sana ay nandito si Tito Desmond ay hindi sana ganito ang magiging trato nila sa akin. Siya ang bunsong kapatid nina mommy at Tito Declan. Alam ko na siya ang unang-una na makakaunawa sa sitwasyon ko dahil katulad ni Chase ay pinili niya ang mabuhay ng tahimik at malayo sa gulong hatid ng mafia clan na pinamumunuan ng aming pamilya.
“Alam kong galit kayo sa pamilya ng asawa ko, gano'n rin naman siya sa atin dahil katul
