SOFIA
Wala akong kibo habang sakay ng taxi at nakaupo dito sa backseat katabi si Chase. Ang tigas talaga ng ulo ng lalaking ito. Wala na akong nagawa ng tumigil ang sasakyang sinasakyan namin sa tapat ng kaniyang bahay at mabilis na binuksan niya ang pintuan para bumaba kami.
Siguradong may dahilan na naman siyang pumunta sa ospital mamayang gabi dahil iniwan niya doon ang kaniyang sasakyan, tapos naka-confine rin doon ang pulis na kaibigan niya.
Habang sakay kami ng taxi ay tumawag na si Chase sa bahay niya at inutusan ang nakausap na kasambahay na maghanda ng almusal para sa aming dalawa.
Mabilis na bumaba ako ng taxi at lumapit sa gate. Agad naman itong bumukas at nakita ko ang unfamiliar na lalaking sumalubong sa amin ni Chase.
Ngayon ko lang napansin na may security guard na pala
