SOFIA
Laging nakabantay sa akin si Chase habang nasa burol kami ni Lolo Collin. Hindi siya umaalis sa tabi ko kahit dumating si Mommy at masama ang tingin sa kaniya palagi.
Ramdam ko ang tensyon sa pamilya ko, lalo na at si Agatha, na asawa ni Draven, ang suspect sa pagkamatay ni Lolo Collin. Tapos, nabaril rin daw si Tita Leigh at hanggang ngayon ay critical pa ang kondisyon.
Hindi dumalo sa ilang gabing burol ang asawa ni Draven dahil dinala si Agatha sa ospital matapos makunan, kaya hindi ko siya nakita hanggang sa inilibing si Lolo Collin. Iniiwasan rin ang pag-usapan ang tungkol dito, lalo na't sensitibong usapin ang nangyari sa pamilya namin.
Maging si Tito Declan ay tahimik na para bang laging nag-iisip. Alam ko na kaya ganoon siya ay dahil nag-aalala siya para sa kaniyang asaw
