“Ayan na naman kayong dalawa! Lumayo-layo nga kayo sa akin dahil baka magdilim ang paningin ko ibuhos ko sa inyo itong milk tea na iniinom ko!”
Nandito kami sa loob ng milk tea shop na nandito lang din naman sa loob ng campus ng Coleman University at kanina ko pang naririnig ang matinis na boses ni Donna. Nakaupo siya sa harapan ko habang binibigyan ako ng matatalim na tingin at halos puwede nang sabitan ng kawali ang nguso sa sobrang pagsimangot niya. Hindi lang pala ako pati na rin ang katabi ko.
“Just close your eyes, Donnatella…” nakasimangot din na turan ng lalaking nasa aking tabi. Hindi na kailangang tanungin dahil ang nag-iisang Logan Caleb Coleman iyon.
Pagkatapos sungitan ang kaibigan ko ay iniyakap niya ang braso sa aking bewang at nagsumiksik sa aking leeg. Muntik na akong
