Ilang rounds pa ng laro at noong muling natalo si Rusty ay tuluyan na naming itinigil ang laro. Baka kasi bago sumapit ang gabi ay pare-pareho na kaming bingi dahil sa ingay niya.
“Tama na nga! Baka sapakin makawala ang kamay ko at sapakin ko na lang si Rusty!” Napatawa kaming lahat dahil sa sinabi ni Donna.
Siya kasi ‘yong kanina pa nananalo. Naghahalo na ang kulay ube, dilaw, at asul na kulay ng papel na pera sa kanyang binti. Napurnada nga lang iyon dahil pare-pareho kaming nag-ayawan na.
“Ayoko na nga. Ma-bankrupt pa ako sa inyo!” Napaingos si Rusty bago nauna nang tumayo at nagpagpag ng short.
Kulang na lang kanina ay maglabas siya ng tseke at iyon ang gamitin niya na pambayad. Silang dalawa ni Chelsea iyong parating natatalo kaya pareho silang maraming binabayaran. Ang kaibaha
