“Kung ano-ano pa yata ang ginawa ng dalawang ‘to!”
Pagbalik namin sa patio ay ito agad ang naging bungad ni Rusty sa amin ni Caleb. May nakalolokong ngisi sa kanyang labi. Hindi lang siya dahil ganoon din ang iba pa naming mga kaibigan.
“Ano ang ginawa n’yo ro’n ha?!” Sinulsulan pa iyon ni Tornado na siyang nakaupo sa pinakadulo.
Napapailing na lang ako at at hinihiling na sana ay kaya kong pigilan ang pamumula ng aking mukha. Hiyang-hiya ako sa pinagsasasabi nila.
Did they see us? Halata ba na galing kami sa paghahalikan ni Caleb? Oh my gosh! Kanina bago lumabas ay sinigurado ko na parehong ayos ang itsura naming dalawa. Nakailang ulit pa akong tanong sa kanya para siguruhin iyon kahit na siguro ay nakukulitan na sa akin si Caleb.
Para pa akong timang na inayos ang damit na suot
