Alas siyete pa lang ng umaga pero wala nang mapaglagyan ang ngiti sa aking labi. Pilit ko namang pinipigilan pero nauuwi pa rin iyon sa pagngisi.
Ah, feeling ko nga ay nababaliw na ako! Kagabi pa ako ganito hanggang sa paggising ko.
Bago pa tuluyang masiraan ng bait ay binilisan ko na ang pagbabanlaw ng katawan at ulo. Naliligo ako pero kung saan-saan pumapasyal ang utak ko kaya naman halos ilang minuto ang itinagal ko rito sa loob pero mabuti na rin iyon para hindi sabihin na excited ako at nagmamadali sa pagligo.
Binalot ko na lang ang sarili ng roba na dala ko rito sa loob ng banyo bago lumabas. May sarili namang bathroom ang kuwarto ko kaya hindi na kailangang lumabas pa. Nakahanda na rin ang damit ko na nasa ibabaw lang ng kama.
Nagsuot lang ako ng Korean style na daster. Wala
