“Mukhang may serious talk ang mag-in-law. Jump to the next stage na ba?” Marahan akong isniko ni Donna.
Kasalukuyan kaming nandito sa buffet table para kumuha ng makakain. Napalingon naman ako sa kinaroroonan ng dalwang tinutukoy niya. Mula rito ay kapansin-pansin ang seryoso nilang pag-uusap.
Nakaupo sila sa bukod na table na tanging silang dalawa lang ang nandoon. May dalawang baso ng whiskey ang nakahain sa kanilang harap. Hindi pa sila kumakain pareho pero umiinom na agad. Mabuti na lang sumisimsim lang si Caleb, si Daddy kasi ay hindi na masasaway pagdating diyan.
“Kabahan ka na, babe…”
Kanina pa bumubulong si Donna tungkol kay Daddy at Caleb, hindi ko na nga lang pinapansin para mabawasan iyong kaba ko. Kaya lang panay naman ang pagpansin nitong best friend ko. Kaya ang tendenc
