MAXINE
ILANG linggo na naman ang nakalipas mula nang huling magawi si Hunter sa aking shop. Pilit ko mang itanggi ngunit alam ko sa sarili ko na hinihintay ko siyang bumalik.
Bakit ba ang rupok-rupok mo, Maxine?
Habang lumilipas ang araw ay patuloy lamang nadadagdagan ang nararamdaman kong pagkabigo sa tuwing matatapos ang araw at walang anino ni Hunter ang dumarating. Magkahalong pagkabigo at pag-aalala ang aking nararamdaman. Baka kasi may masamang nangyari na naman kay Hunter kaya hindi ito nakabalik.
Or he didn't really want to go back kontra ko sa aking sarili. Hindi ko mapigilang mainis sa aking sarili dahil kahit na nga ba lumayo na ako kay Hunter ay hindi ko pa rin magawang makalaya pagmamahal at pag-aalala ko para sa kanya. Kung tutuusin ay dapat wala na akong pakialam sa kung
