MAXINE
ISA-ISANG isinakay ni Hunter ang aming mga pinamili sa loob ng kanyang sasakyan katulong ang ilang mga staff ng grocery store. Matapos maisakay ang lahat ng aming pinamili ay nauna na akong sumakay ng kanyang sasakyan. Inaasahan kong ganoon din ang kanyang gagawin ngunit makalipas ang ilang minuto ay nanatili ito sa labas. Bahagya ko siyang sinilip upang makita kung ano ang dahilan nang hindi niya agad pagpasok sa loob ng sasakyan. Kumunot ang aking noo nang makita ko siyang tila seryosong may kausap sa kanyang telepono. Dali-dali kong ibinaling sa iba ang aking paningin nang mapansin kong papasok na siya ng sasakyan.
"Ihahatid na kita sa inyo," bungad nyang turan nang makasakay ito sa driver's seat ng sasakyan.
"I'm fine. I can take a cab from. Marami namang mga dumaan dito. Sak
