MAXINE
Agad akong humanap ng mauupuan nang makarating ako sa restaurant. Mabilis na lumapit sa akin ang isang waiter upang iabot sa akin ang menu. Umorder ako ng isang breakfast meal kahit na magtatanghali na sa isang brewed coffee. Agad naman tumalima ang waiter upang gawin ang order ko.
Napangiti ako nang matanaw ko ang napakagandang tanawin. Ang kulay puting buhangin at asul na dagat ay tila nang-aakit. Kahit papaano ay nakaramdam ako ng kapayapaan habang malayong nakatanaw sa asul na kalangitan. Ngunit ang kapayapaang iyon ay agad na naputol nang maramdaman kong mayroong umupo sa bakanteng upuan sa aking harapan. Mabilis ko iyong nilingon ngunit napakunot ang aking noo nang malaman ko kung sino ang pangahas na iyon. Kung kailan naman pilit ko itong iniiwasan ay s'ya namang mas lalo i
