MAXINE
Hindi ko magawang matulog lalo na tuwing sumasagi sa aking isip ang imahe ni Hunter at Athena na nasa iisang silid. Malakas ang pinakawalan kong sipa at suntok kay Athena kaya hindi na ako magtataka kung mahirapan itong tumayo. Hindi rin nakakapagtaka kung hindi ito makalakad dahil sa sakit na dulot ng tinamo nyang tama. I didn't go easy on her. Marahil ay dulot iyon ng sobrang sama ng aking loob.
Namamaga na ang aking mata dahil sa pag-iyak. Bahagya na rin itong sumasakit kasabay ng pagsakit ng aking ulo. Tumayo ako mula sa pagkakaupo ko sa sahig upang abutin ang isang bote ng tubig sa maliit na lamesa na naroon sa tabi ng aking kama. Hindi ko mapigilang ngumiwi nang kumirot ang gilid na bahagi ng aking tiyan. Marahil ay iyon ang napuruhan ng pagsipa ni Hunter sa akin kanina.
B
