MAXINE
Matapos ang nakapakagandang candle light dinner na inihanda ni Hunter sa kubo ay nagpasya na kaming bumalik sa aming Villa. Magkahawak ang aming mga kamay habang naglalakad pabalik. Ang tanging ilaw namin ay ang iilang poste ng ilaw at ang liwanag ng buwan. Pakiramdam ko ay nag-uumapaw ang aking kaligayahan ngunit kasabay noon ay ang takot na baka may kapalit ang kasiyahan na ito.
"What's wrong?" tanong ni Hunter nang mapansin niya ang aking pananahimik.
"N-Nothing. May iniisip lang ako," sagot ko bago muling ibinaba ang aking tingin lupang aming dinadaanan.
"I'm sorry," narinig kong turan niya.
Agad akong nag-angat ng tingin at nakakunot ang noong bumaling sa kanya.
"Bakit ka nagso-sorry?" takang tanong ko sa kanya.
"Malapit ng matapos ang isang linggo natin and I still hav
