MAXINE
KANINA pa siya pabaling-baling nang lakad sa palibot ng salas kung saan sila naghihintay ni Brandon. Halos isang oras na rin ang nakalipas simula ng pumasok si Hunter sa loob ng silid.
"Pumasok na kaya ako?" tanong ko kay Brandon.
"Pang-ilang tanong mo na 'yan, Max?" turan ni Brandon saka umirap sa hangin. Marahil ay naiinis na rin ito dahil kanina pa ako hindi mapakali roon habang naghihintay sa kung anong kasunod na mangyayari pagkatapos nang pagkikita ng mag-ama.
"Eh, kasi naman. Kanina pa sila doon." Hindi mapakaling turan ko.
"Will you please calm down?" kunot-noong turan ni Brandon. "Hindi naman mawawala 'yong dalawa sa loob. Baka naaliw lang sa pagkukuwentuhan kaya natatagalan ang paglabas ng mag-ama," wika ni Brandon bago tumayo mula sa kinauupuan at lumapit sa akin. Hi
