MAXINE
Agad kong tinawagan ang mga magulang ni Hunter matapos ko siyang ihatid sa kanyang silid. Ipinaalam ko sa kanila ang tungkol sa nangyari kay Hunter pati na rin ang pagpapaliban namin sa pagsunod sa kanila sa Batangas. Kinumusta ko na rin si Maddie na mukha namang masayang-masaya ngayon kasama ang kanyang lolo at lola.
"You don't want to be with Mommy?" kunwa'y nagtatampong turan ko sa aking anak. Hindi lang kasi ako makapaniwala na nakakaya na niyang matulog at mag-enjoy na malayo sa akin. Samantalang dati rati ay kinakatulugan nito ang pag-iyak sa mga iilang pagkakataong kailangan kong mag-over time sa trabaho at naiiwan lamang siya kay Brandon o sa babysitter niya.
"It's not like that, Mom. I missed you but I know that you had something more important to do, so I'll let off the
