Lorna
Hindi nga ako nagkamali.
Tinungo nga nila Sheila at Darell ang apartment ko at ibinalita sa akin na naabutan nila itong nasusunog. Wala akong nagawa kundi ang umarte sa harapan nila upang hindi sila magsuspetsa na alam ko ang nangyaring 'yon at pinsan ko ang siguradong may gawa.
Hindi siya maaaring makulong. Tama na 'yong ako na lang.
KINABUKASAN ay tuluyan na akong pinatawan ng sentensiyang apatnapung taong pagkakakulong sa mga salang robbery, murder, at drug trafficking na wala naman akong kinalaman.
Nanatiling tahimik si Tatay sa loob ng korte at nakayuko ang ulo. Oo, tuluyan na akong nakalabas ng hospital ngunit ngayon naman ay papasok na ng kulungan.
Hindi na dumalo pa sa korte sila Darell at Sheila dahil ayon kay Lindsay ay araw na ngayon ng kanilang kasal. Lihim na la
