Lorna
"Sumunod na kayo sa kanya," utos sa amin ng lady guard.
Tumalikod na rin naman si Tanner at sumunod sa kanya ang mga nasa unahan ko. Paulit-ulit akong huminga ng malalim dahil sa paninikip ng dibdib ko. Parang tinatadyakan ito dahil sa lakas ng kabog nito.
Umakyat kami sa hagdan na naririto sa gitna ng gallery. Sa itaas naman nito ay may mga balcony at railings para sa mga seldang naroroon. Nasa kabilaang bahagi ito.
"Aranza Llamos. Cell 202," sambit ni Tanner matapos niyang huminto sa isang nakabukas na pinto ng selda dito sa taas. Hawak na niya ngayon ang logbook na hawak kanina ng lady guard.
Nasilip ko ang dalawang double deck bed na nasa loob at nasa magkabilang tabi ito ng selda. Mayroong mga inmates sa loob na maangas kung makatingin sa amin.
Walang nagawa ang babaeng k
