Muli na namang napaatras ang aking kapatid at sa pagkakataong ito nasuntok na siya sa pisngi. Dumugo ang labi niya na kaagad din niyang pinahid ng kanyang kamay.
Kailangan ba talagang lakasan ang pagsuntok? Training palang naman ito, eh, bakit ganoon na lang sumuntok ang kalaban niya? Parang tinotoo?
Walang kakurap-kurap na tinitigan ko ang aking kapatid. Iba na ang kanyang mukha, madilim na tila pigil na pigil ang kanyang galit marahil ay napansin na niyang totoong suntok na ang ibinibigay ng kalaban.
"Yah!"sumigaw ang kalaban at patakbong sinugod ang aking kapatid. Ilang segundo pa ang lumipas ay bumagsak na lang ang kalaban sa sahig. Nakapikit at wala nang malay.
Sobrang bilis ng ginawa niyang pag-atake na halos lahat ng kasama ko ay nagulat sa nasaksihan. Namimilog ang kanilang mat
