NAHINTO ako sa pagtitig sa financial report na aking binabasa dahil sa katok na nagmula sa pinto ng aking opisina. Alam ko na kung sino ang nandoon, walang iba kundi ang aking kapatid. May palagay akong kaya siya nagpunta rito ay dahil sa event na dinaluhan niya kagabi.
Magku-kwento siya kung ano'ng nangyari at kung sino ang nakausap niya. At hindi rin mawawala ang malaking balita na halos paulit-ulit kong naririnig kanina pang umaga. Narinig ko rin itong pinag-uusapan ng mga empleyadong nadaanan ko kanina papasok ng opisina. Ang balita ay tungkol sa pinatay na Business Man. Wala silang kaalam-alam kung sino ang bumaril, dahil sinigurado kong walang cctv footage na makukuha. Siguro ay iniisip na rin ng aking kapatid kung sino ang maaaring maging suspect.
Muli na naman itong kumatok sa pi
