Kung suswertihin ka nga naman. Pa-blessing ba ito sa akin ni Lord? Pinapatawad na kaya niya ako sa mga kasalanan na ginawa ko? Naku, Lord, thank you.
"Good morning din," bati ko din, sabay kagat sa aking labi. Hindi ko alam kung bakit ganito ang kanyang epekto sa akin. Oo may dating siya, pero hindi naman siguro dahilan iyon para mawala ako sa tamang pag-iisip.
Mela! Lalake lang 'yan! saway ng kabila kong isip dahilan para mapigilan ko ang aking pag ngiti sa lalaking aking tinitignan.
Binawi niya ang kanyang ngiti at nagbuntong hinga. Akala ko magsasalita ulit siya ngunit hindi na. Naupo na lang siya sa silya na nasa kanyang balcony at inilapag naman ang tasa sa mesang kaharap ng silya. Muli niya akong sinulyapan na wari ko'y naghahantay siya na ako'y magsalita.
Wala akong maisip sabih
