PAPALABAS pa lang ako ng comfort room ay may narinig na akong may nag-uusap di kalayuan sa aking pwesto. Hindi ko intensyon na makinig pero nang marinig ko ang boses ng babae at lalake ay di ko napigil ang kuryosidad. Lumakad ako ng dahan-dahan at hinanap ang tinig ng dalawang nag-uusap. Nakaabot ako sa likod ng comfort room at may maliit na daanan. Isiniksik ko agad ang aking sarili sa gilid ng pader na may kaunting harang at mula sa pwesto ko ay malinaw ko nang naririnig ang kanilang boses.
"Sumama kana, saglit lang naman tayo. Saka, ihahatid naman kita pauwi," tinig ng lalaki na pakiwari ko'y kilala ko.
"Ayaw ko, kung ano-ano na naman ang gagawin mo sa akin. Saka, baka gabihin na naman tayo. Pagagalitan na ako ng mommy ko pag late na naman akong umuwi."
"Promise, hindi tayo gagabihin
