"PASAKAYIN n’yo na 'yan sa sasakyan. Mahirap na baka makawala pa 'yan," wika ng lalaki na nakatutok pa din ang baril kay Archer.
Hindi ako sumunod sa paghakbang dahilan para ang isang lalaking may hawak ng braso ko ay napalingon sa'kin. "Sumunod ka na," wika nito. Kinuha pa nito ang baril ko at pangisi-ngising tumingin sa akin.
"Pakawalan niyo muna siya,” giit ko.
Muli silang nagtawanan at si Archer na hawak ng dalawang lalaki ay bumitaw sa pagkakahawak sa braso niya. Nakatayo si Archer at palaga'y ko'y nakabawi na siya ng lakas. Nakita ko ang sandali niyang pagtitig sa baril na nasa kanyang paanan ngunit bago pa siya makakilos ay bigla naman akong tinutukan ng baril sa ulo.
"Wag mo nang tangkain dahil hindi na ako magdadalawang isip na patayin itong kasama mo," wika ng isang kalaban n
