DAHAN-DAHAN kong tinignan si Mel, iniiwasan kong makagawa ng ingay na maging dahilan para siya ay magising. Mahimbing pa rin ang tulog niya simula pa kanina. Ako naman ay kakagising lang at kahit paaano ay nakapagpahinga ng dalawang oras. Pasado ala-sais na nang makita ko ang orasan sa itaas ng main door. Inayos ko ang mattress at unan pagkatapos ay tumayo upang pumunta sa bintana. Hinawi ko ng bahagya ang kurtina, nakita ko ang mga guest na naglalangoy sa swimming pool habang ang iba naman ay naglalakad sa gilid ng pool. Palubog na ang araw kaya ang kulay ng sinag nito ay madilaw. Habang nakatingin sa labas ng bintana ay naisip kong lumabas muna. Titignan ko kung may kalaban ng nakaabang sa amin sa labas nitong kwarto. Bago ako tuluyan lumabas ay tinignan ko muna si Mel. Sa himbing ng tul
