Sierra Quinn Maxwell
Nang malaman kong kabuwanan na ni Gail ay agad kong pinagbigay alam kay Alexandra. Tinungo ko ang bahay nito.
Napatingin ako sa napakalawak na bakuran ng mga Torres, totoo nga ang nasa balita na napakayaman nito. May lumapit sa aking babae at inabutan ako ng maiinom nang bigla akong nakarinig ng isang galit na sigaw dahilan upang mabitawan ko ang baso at mabasag ito.
"Don't tell me you haven't done such simple task! Guirer, bring that Doctor back in the Philippines or I'll slit your throat!" Agad akong napalingon at nakita ko ang Senador na may kausap sa cellphone.
Hindi ko alam na nasa bahay pala ito, kung alam ko lang ay hindi na sana ako pumunta dito. Nanginginig ang mga tuhod ko sa tuwing naririnig ko ang boses nito. Maya-maya lang ay lumapit dito si Samantha.
