"Baby Hanz!" sigaw ni Green at bumalikwas ng bangon.
Panaginip lang pala ang lahat, napausal si Green ng pasasalamat sa Diyos at hindi totoo ang nasa kanyang panaginip. Nasapo ni Green ang sariling noo, sumama tuloy ang kanyang sikmura dahil sa napanaginipan. Pagbaling niya sa kaliwa niya ay nagulat siya at napaawang ang kanyang bibig. Napakurap-kurap pa siya at kinusot ang mga mata upang siguruhing hindi siya nananaginip.
"Baby Hanz," anas ni Green saka ito napalinga- linga at muling tumingin sa anak na nilalaro ang maliit na hintuturo, sinusubukang isubo ito.
Umiiyak na tumatawa si Green.
"Anak, sobrang na-miss kita!" bulalas nito sabay kalong sa bata at pinailiguan ng halik saka yakap.
Tila naman nasabik ang bata sa amoy ng Ina nito at ngumiti, nag-baby talk pa nga ito na parang ma
