Gumalaw-galaw ang talukap ng mga mata ni Green, nagkakamalay na ito. Kasunod ang kanyang pagmulat at makailang kurap dahil medyo nanlalabo ang paningin nito. Nabungaran niya ang mukha ni Aling Thelma na nag-aalala, nasa hospital pala ito. Babangon na sana si Green subalit maagap na pinigilan ni Aling Thelma.
"Kumusta na ang pakiramdam mo hija?" masuyong tanong ng Ginang habang ginagap nito ang kamay ni Green.
Pilit ang ngiti ni Green. "Ano na po ang nangyari sa dalawa? Nakapag- isip- isip na ba po si Hunter?" mahinang tanong din nito.
Lumamlam ang mga mata ni Aling Thelma, malungkot na tumitig kay Green.
"Pasensiya ka na at wala kaming nagawa ni Adelfa. Nakauwi na si Arthur nang isugod ka niya rito, sumama ako kasi alalang-alala ako sa'yo!" wika ng Ginang.
"Aling Thelma hindi po niyo
