Ganado naman si Hunter na kumain nang dinner pati na si Green. Walang nagsalita sa kanilang dalawa basta kumain lang sila tila kapwa nila ayaw mag-open ng mapag- uusapan. Gusto na din ni Green ang ganoon, tahimik lang silang parehas para walang bangayan. At bilang respeto na rin sa pagkain na nasa kanilang harapan, iwas basag ng mood o trip.
"Tomorrow, nandito na ang Inay at Itay mo surprise ko sana kaya lang mas maigi na kung sasabihin ko." Wika ni Hunter nang nasa loob na sila ng kanilang kwarto.
"Ha?! Bakit, anong ganap?" gulat na sagot ni Green nahinto ito habang inaayos ang kanilang kama.
"Anong ganap ka riyan, hindi ba napagkasunduan nating isorpresa sila sa pagbubuntis mo? At bilang baby shower na rin ang okasyon na gaganapin dito sa bahay." Paliwanag ni Hunter.
Naalala nga pala
