JANINE GONZALES XIAN'S POINT OF VIEW
“ANAK, kumpleto na ba ang mga gamit mo?” tanong sa akin ni Mama, papunta na kami sa Rembrant Hotel para sa nalalapit na kasal namin. Sobrang bilis ng oras at hindi ko namalayan na pagkatapos ng tatlong araw, big day na namin ni Lucian. Nai-excite ako kasi mas maganda ang magaganap na kasal namin ngayon.
“Opo Mama, sinigurado kong okay na ang mga gamit ko." Giit ko at tumingin ako kay Janella. Dala-dala din kasi namin ang ilang gagamitin para sa kasal. Mga gowns ng ibang abay maging mga damit nila Mama at Papa.
"Janella nasaan na yung mga box?” tanong ko sa kaniya, ngumiti naman ito saka tinuro ang sasakyan.
“Ate, nailagay ko na sa sasakyan. Nasa labas na rin si Kuya Kaizer sasamahan niya tayo para maglipat ng ibang gamit doon,” sabi niya sa akin.
