JIXʼS POV
HINDI rin naman nagtagal ay nakatulog na rin kaming lahat. Lumalalim na ang gabi at ang masarap na tulog ko ay biglang nabulabog nang marinig ko ang malakas na boses ni mommy.
“Aaahh! Sumasakit na ang tiyan ko!”
“Jin! Jix! Jim! Sumasakit na ang tiyan ko! Manganganak na yata ako!”
Iyon ang narinig kong malakas na sigaw ni mommy, kaya napabangon ako.
Pagkagising ko ay nakita ko silang natataranta na.
“Hoy, Jix, kumilos ka na dʼyan! Si Jin tinatawagan na sina mom and mom Kyla!” sigaw sa akin ni Jim habang pinapalitan ng suot si mommy.
Bigla akong nataranta nang marinig muli ang sigaw ni mommy. “Dalian niyong kumilos!Sumasakit na talaga ang tiyan ko!” malakas niyang sabi sa amin at hindi na maipinta ang itsura niya.
“Daddies, si mommy manganganak na! Hurry up po!” malakas n
