"Ulitin mo nga ang sinabi, Hilda?" hindi makapaniwalang tanong ko sa aking katulong matapos kong marinig ang sinabi nitong pangalan kanina.
"May nagbigay nitong mga bulaklak, Don Hermain. At sabi sa akin ni Pidong na... na galing ang mga ito kay Miss Yna."
Yna? Bigla akong nanlamig sa aking narinig.
"Anong apelyido?" muli kong tanong dito.
"Walang pong sinabi si Pidong, Don Hermain," sagot naman ni Hilda na hinahanap kung may card na kasama ang bulaklak. "Dadalhin ko na po sa kusina itong mga white daisy."
"Hindi, Hilda. Ilagay mo sa vase at huwag mong itatapon. Pumunta ka sa office ko at dalhan mo ako ng kape," utos ko pa sa kanya.
"Sige ho, Don Hermain." Tumalima ito sa ipinag-uutos.
Nagtungo ako sa opisina ko at umupo sa swivel chair kong naroon. Eighteen years na ang nakakaraan
