Hindi alam ni Sull ang mararamdaman. Nakatingin lang siya sa responders na dumating upang aksyunan ang nangyaring aksidente. Hindi niya alam kung matutuwa ba siya dahil hindi sumabog ang sasakyan o malulugmok dahil labis-labis ang injury na natamo ng mapapangasawa niya. He's completely lost and shattered.
Nanginginig niyang kinuha ang cellphone niya at agad na tinawagan ang ina ni Georgina. She should be the first one to know. Karapatan niya 'yon. "T-Tita..." Garalgal ang boses niya pero pilit niyang pinapatatag ang sarili.
"Oh, Sull? Kumusta?" Nakagat niya ang labi nang marinig ang masiglang boses ng ginang. Mas lalo siyang nasaktan. Mas lalong bumigat ang pakiramdam niya.
Huminga siya nang malalim. Isa. Dalawa. Ilang beses niya 'yong ginawa bago nagpatuloy, "Tita, I have something
