Unti-unting pumasok sa aking tainga ang ingay sa paligid—ang tunog ng apparatus, ang mga hikbi, at ang boses ng aking ina. Gusto kong imulat ang mga mata ko. Gusto kong igalaw ang katawan ko. Pero lahat nang 'yon ay hindi ko magawa. Ramdam ko rin ang sakit sa buong katawan ko—ang hapdi at kirot. Kahit simpleng paghinga ay may hatid na sakit at bigat na hindi ko maipaliwanag. Pakiramdam ko'y bùgbog na bùgbog ang buong katawan ko kaya ganito ang nararamdaman ko.
'Inay...' Gusto kong sambitin ang ngalan niya at patigilin siya sa pag-iyak. Gusto kong igalaw ang kamay ko para haplusin ang mukha niya at sabihan siyang tumahan na dahil ayos lang ako, na ayos lang ang lagay ko. 'Inay, tahan na...'
Sigurado akong labis ang pag-aalalang nararamdaman niya ngayon. Alam na alam ko ang mararamdaman ni
