USAPAN sa taping ang trending scandal nina Aldrin at Megan. Katakot-takot ang mga komento ng mga tao. Ang dami ring fans ng dalawa ang galit at nag-unfollow. Nalulungkot siya sa nangyayari. Malaking kahihiyan ang natamo ng dalawa.
Kahit may ginawang masama sa kaniya si Aldrin, hindi niya ito kayang kamuhian na halos hilingin niya na mawasak ang buhay nito. Hangad pa rin niya na magkaayos sila at magbago ang binata.
Kinahapunan pagkatapos ng taping ay tumambay sa beachfront bar si Malia kasama si Jerom. Umiiwas siya sa tsismis dahil nadadawit ang pangalan niya.
“Mukhang maaabala na naman ang taping dahil sa trending scandal,” sab ni Jerom.
Nilibre siya nito ng cocktail. “Bakit?” ‘takang tanong niya.
“Kinukulit na naman ng media si Andrew at hinihingan ng pahayag tungkol sa nabunyag na
