ALAM ni Tyron na magigising na si Malia kaya kaagad silang lumabas ng kuwarto. Maaring maramdaman ng dalaga ang presensiya ni Andrew pero malilito ito. Pinakawalan lang ni Tyron ang katawan niya nang nasa loob na sila ng kotse. Wala na siyang ibang maalala. Ni hindi niya alam kung paano siya nakapagpaalam kay Jerom.
“Ano’ng nangyari?” tanong niya kay Tyron.
Nagmamaneho na siya pabalik ng Maynila. Malakas na ulit si Tyron.
“Sa palagay ko ay magiging okay na si Malia. Hindi ko na maramdaman ang sakit,” anito.
“Nakapag-usap ba kayo?”
“Oo, saglit lang.”
“Kung hindi mo na maramdaman ang sakit, ibig sabihin ay nalagpasan na niya itong labis na pangungulila. At sana maisip din niya na kailangan din niya ako.”
“Sinabi ko na ‘yon sa kaniya, na huwag ka niyang pakawalan.”
“Talaga?” Natuwa si
