PINIGIL ni Andrew ang emosyon nang mapansing naiyak na rin ang mommy niya. Hindi puwedeng magdamdam ito nang husto.
“Bakit ka ba umiiyak, ha?” tanong ng kaniyang ina habang pinapahid ng kamay ang kaniyang luha.
“Wala ito. Nagre-rehearsal lang ako,” aniya, pilit na ngumiti.
“Huwag ka ngang ganiyan. At ano ba ang ginagawa mo? Bakit maraming papel?”
“Uh, tinambakan ako ng paperwork ng secretary. Naipon na kasi ilang araw akong hindi bumisita sa opisina.”
“Kumusta na pala ang factory mo?”
“Okay naman po. Maganda ang sales nitong magkasunod na buwan.”
Biglang tumahimik ang kaniyang ina. Inihanda na lamang niya ang pagkain nito. Mainit pa naman ang binili niyang chicken soup. Sinubuan na niya ang ginang dahil wala pang lakas ang kanang kamay nito.
Natutuwa siya sa gaan ng pakikitungo ni
