NAKATULOG sa cottage si Malia. Nang muli siyang magising ay madilim na. Hindi sana siya sasama roon sa rest house ni Jerom pero makulit ang kapatid niya. Nang magyaya si Jerom ay mas excited pa ito.
Nasa dagat pa ang dalawa at nagsu-surfing. Mas magaling lumangoy si Melanie kaysa kanya, marunong ding mag-surfing. Palagi kasi itong nasa dagat noong bata pa at sumasama sa barkadang lalaki.
Inaantok pa rin siya. Nagsulat kasi siya ng nobela magdamag at nag-edit ng ibang manuscript. Hindi naman niya inaasahan na totohanin ni Jerom ang sinabi na mag-celebrate sila ng late birthday ni Melanie. Dahil sa kadaldalan ng kapatid niya, napasubo na sila.
“Ate Malia! Bakit ayaw mong maligo? Lumubog na ang araw,” sabi ni Melanie. Palapit na ito sa kaniya bitbit ang surfboard.
Umahon na rin sa tubig
