NAWINDANG si Malia nang banggitin ni Andrew ang tungkol sa kasal. Hindi naman siya tumatanggi sa agarang kasal, pero nag-aalangan siya sa oras ng preparation lalo na sa proseso ng papeles.
“Don’t worry, and money can rush the papers,” sabi ni Andrew.
Bumibiyahe na sila pabalik ng Maynila. Silang dalawa lang ang nakaupo sa dulong backseat. Nasa second row sina Melanie at Jerom na halos langgamin na sa ka-sweet-an. Bagay talaga ang dalawang ito. Ang saya lang ng bonding.
“May specific date ka na bang napili?” pagkuwan ay tanong niya kay Andrew.
“What about last week of this month?”
Napaisip siya. Hindi pa naman siya masyadong busy sa buwang iyon. Two weeks preparation for the wedding was too short. Pero tama si Andrew, basta may pera, mabilis lang ang lahat. Aapurahin lang nila ang pape
