NAGBIHIS lang si Malia pagdating ng kanilang bahay. Hinintay siya ni Aldrin at gusto ihatid sa AAC. Nakaalis na ng bahay si Simon. Si Melanie ay nag-aalmusal pa lamang.
“Papasok ka na sa work, Ate?” tanong ni Melanie.
“Oo. Male-late na ako.” Palabas na siya ng bahay nang salubungin siya ni Aldrin.
“Ang bilis mo, ah,” anito.
“Marami kasi akong trabaho kaya hindi puwedeng ma-late at ayaw kong mag-overtime.”
Sabay na silang lumulan sa kotse nito. Dagli namang nagmaniobra si Aldrin. Hindi maalis sa isip niya ang tungkol sa pending case umano ni Andrew. Posibleng alam iyon ni Aldrin kaya ito ang kinausap niya.
“Anong pending case?” kunot-noong tanong ni Aldrin.
“Si Megan ang nag-reveal ng case umano ni Andrew, at nabanggit daw sa statement niya na tatayo siyang star witness. May kinalama
