NAPASARAP ang tulog ni Malia. Alas otso na ng umaga siya nagising at dahil sa pagtunog ng kaniyang cellphone. Tumatawag na sa kaniya si Jerom. Bumalikwas siya at napatakbo sa banyo. Wala na si Andrew. Marahil ay umalis din ito nang makatulog siya.
Ang ganda kasi ng panaginip niya. Buhay umano si Tyron at naging best man sa kasal nila ni Andrew. Dahil sa senaryong iyon ay gusto na lang niyang manatili sa panaginip kung saan nangyayari ang gusto niya.
“You’re late, too?” untag ni Jerom nang makarating siya sa set.
Sumasalang na sa taping si Andrew kasama si Rhean. Susunod na sila ni Jerom at kasama si Andrew sa scene.
“Napasarap ang tulog ko,” aniya.
Pinaghila siya ni Jerom ng silya sa tabi nito. Umupo naman siya at kinuha ang bagong kopya ng script na kakabisaduhin niya. Huling set na
