NAKALIMOT na naman si Andrew. Sumulpot si Tyron sa tabi niya at kinausap siya. Tiwala naman siya na hindi maririnig ng mga tao sa kalapit na mesa at mahina lang naman ang tinig niya. He’s hoping that Malia didn’t hear him talking alone.
Kaso paano ito napunta sa likuran niya? Huling sulyap niya rito ay nakatayo sa railing ng restaurant sa tapat niya.
“Mukhang napansin ka ni Malia na nagsasalitang mag-isa, Andrew,” sabi ni Tyron.
Napakagat-labi siya. Pansin din niya ang titig sa kaniya ni Malia na puno ng curiosity. Ino-obserbahan siya nito. Para ma-distract, binigyan din niya ito ng cocktail.
“Nakalalasing ‘yan,” sabi nito.
“Hindi. Konti lang ang alcohol na pinalagay ko rito,” aniya.
“Okay.” Sumimsim naman ito ng cocktail.
Pinagmamasdan din ni Tyron si Malia. “Mukhang napapalapit na
